Қараша айында елде жылдық инфляция баяулап, 8,4 құрады (қазанда – 8,5%). 10 өңірде жылдық инфляция жеделдеді, 9 өңірде баяулап, 1 өңірде өзгеріссіз қалды.
Жылдық инфляцияның ең жоғары мәні Астана қаласында тіркелді.
Қарашада азық-түлік тауарларының бағасы бір жылда 5,4%-ға дейін жеделдеді (қазанда – 4,9%). Осы топтағы тауарлар бағасы Жетісу облысында (7,9%) барынша жоғары, ал Түркістан облысында (3,2%) мейілінше төмен өсті.
Азық-түлікке жатпайтын тауарлар бағасының өсу қарқыны бір жылда 8,0%-ға дейін жеделдеді (қазанда – 7,8%). Ең жоғары мән Түркістан облысында (13,3%), ең төменгі мән Павлодар облысында (5,1%) тіркелді.
Қарашада ақылы көрсетілетін қызмет бағасы бір жылда 13,3%-ға дейін баяулады (қазанда – 14,3%). Сонымен қатар жалпы республикалық деңгейден баға Астана қаласында (16,2%) біршама жоғары, Түркістан облысында (9,4%) айтарлықтай төмен өсті.
Қарашада ел бойынша айлық инфляция 0,9% өсті, бұл – бұрынғы орташа мәнінен жоғары (2017-2021 жылдардағы қазанда – 0,8%).