«Өскемен әуежайы» 2025 жылдың қаңтар-маусым айларында 1,352 млрд теңге табыс тапты, бұл 2024 жылдың осындай кезеңімен салыстырғанда 41,2% аз. Есесіне «Семей халықаралық әуежайы» осы уақытта 535,7 млн теңге табыс тапты, 2024 жылдың I жартыжылдығы көрсеткішімен салыстырғанда 38,7% артық, деп хабарлайды «Монополист» базасы.
Биыл қаңтар-маусым айларында Өскемен әуежайының шығыны 103,2 млн теңгеге дейін өсіп, 2024 жылдың I жартыжылдығындағы 91,1 млн теңгемен салыстырғанда артқан. Компанияның қаржылық есебінде көрсетілгендей, 2024 жылы табыс көлемі 2,3 млрд теңгені құрады (2023 жылы – 1,3 млрд теңге), ал шығын – 91,1 млн теңге (2023 жылы – 181,8 млн теңге) болды.
Әуежайдың жалғыз акционері – квазимемлекеттік әлеуметтік-кәсіпкерлік корпорация «Ертіс».
Семей әуежайы табысының артуы шығынды азайтуға мүмкіндік берді: ол 2024 жылдың қаңтар-маусым айларындағы 219,5 млн теңгемен салыстырғанда 173,6 млн теңгені құрады. 2023 жылы әуежайдың табысы 826,1 млн теңгені (2022 жылы – 518,7 млн теңге), ал шығыны – 500,5 млн теңгені (2022 жылы – 489 млн теңге) құрады.
Семей әуежайының жалғыз иесі – Абай облысының әкімдігі.