Қаржы министрлігінің Мемлекеттік кірістер комитеті жаңа Салық кодексінде қабылданған қымбат тауарларға салынатын салық мөлшерлемелерін нақтылады:
- Құны 18 000 АЕК (70,7 млн теңге) және одан жоғары көлік құралдары – құнының 10%-ы мөлшерінде акцизбен салық салынады;
- Құны 24 000 АЕК (94,3 млн теңге) және одан жоғары яхталар мен ұшақтарда 10% акциз;
- Құны 500 000 теңгеден жоғары алкоголь – 1 литріне теңге түрінде көрсетілген құнының 10%-ы мөлшерінде акциз;
- Құны 10 000 теңгеден жоғары темекі өнімдері (сигаралар) – бір данаға теңге түріндегі құнының 10%-ы;
- Бір тұлғаға тиесілі жалпы құны 450 млн теңгеден асатын жылжымайтын мүлік – 2% мөлшерлемемен салық салынады (минимум 2 946 600 теңге + 2%).
Жылжымайтын мүлік нысандарының құнын «Азаматтарға арналған үкімет» мемлекеттік корпорациясы есептейді, деп еске салды комитет. Әдетте, бұл құн нарықтық бағадан айтарлықтай төмен есептеледі. Тұрғын және саяжай нысандарын бағалау кезінде «сән-салтанат коэффициенті» 1-ге тең деп алынады. Алайда, мәслихаттар бұл коэффициентті арттыруға құқылы.