2023 жылдың бірінші жарты жылының қорытындысы бойынша Қазақстанда ауыл шаруашылығының жалпы өнімінің көлемі 3,2% ұлғайып, 2,1 трлн теңгені құрады.
Өсім негізінен мал шаруашылығы өнімдерін өндіру көлемінің 3,3% ұлғаюы есебінен қамтамасыз етілді. Қазақстанда ет 4,5% артық (тірі салмақта 1 млн тонна) және сүт 2,9% артық (3,2 млн тонна) өндіріле бастады.
Жыл басынан бері елімізде мал басы мен құс санының өсуі байқалады. Мәселен, ІҚМ саны 3,7% артып, 10,3 млн басты, қой мен ешкі 3,4% көбейіп, 27,4 млн басқа, жылқы басы 8,4% өсіп, 4,4 млн басқа жетсе, құс саны 1,2% артып, 49,9 млн басқа дейін өсті.
79,3 млрд теңгеге өсімдік шаруашылығының өнімі өндірілді. Аталған кезеңде елдегі азық-түлік өндірісі ақшалай баламада 5,3% өсті немесе 1,5 трлн теңгені құрады.
Сонымен қатар, көкөніс консервілерін шығару көлемі 21,1% (8,1 мың тоннадан 9,8 мың тоннаға дейін), сары май 18,2% (12,4 мың тоннадан 14,6 мың тоннаға дейін), өсімдік майы 7,6% (315,9 мың тоннадан 339,7 мың тоннаға дейін), қант 5,7% (148,9 мың тоннадан 157,5 мың тоннаға дейін), шұжық өнімдері 4,9% (30,6 мың тоннадан 32,1 мың тоннаға дейін), өңделген сүт 3,3% (287 мың тоннадан 296,6 мың тоннаға дейін), ұн 0,4% (1 604,1 мың тоннадан 1 610,3 мың тоннаға дейін) өсті.
Ауыл шаруашылығы мен азық-түлік өндірісінің негізгі капиталына инвестиция ағынының тұрақты үрдісі сақталып отыр.
Ауыл шаруашылығына салынған капитал көлемі 22,1% ұлғайып, 432,8 млрд теңгені құрады, тамақ өнімдерін өндіруге құйылған қаржы 13,4% артып, 62,5 млрд теңгеге жетті.
5 айда АӨК өнімінің экспорты 2,3 млрд долларды құрады, бұл былтырғы жылдың сәйкес кезеңімен салыстырғанда 5,6% артық. Сондай-ақ экспорттың жалпы көлеміндегі өңделген өнімнің үлесі 40%-ды құрады.