Қазақстанда сумен жабдықтауға сараланған тарифтерді енгізу су ресурстарын үнемдеуде айтарлықтай нәтижелерге әкелді, деп мәлімдеді үкімет отырысында Ұлттық экономика вице-министрі Асан Дарбаев.
Оның айтуынша, жаңа жүйе тұтыну көлеміне қарай төрт деңгейлі тарифті қарастырады:
- 3 м³-ге дейін — қолданыстағы тариф;
- 3 м³ -тен 5 м³-ге дейін — 20% қымбат;
- 5-10 м³ — 50% қымбат,;
- 10 м³-тен жоғары — 100% қымбат.
«Әлеуметтік тұтыну стандарттарын қолдану сараланған тарифтерге байланысты азаматтарды су ресурстарын үнемдеуге ынталандырады және кәсіпорындарға желілерді жөндеуге қосымша кіріс алуға мүмкіндік береді», — деді Дарбаев.
Жаңа тарифтерді енгізу нәтижесінде республика бойынша 61 табиғи монополия субъектісінде тариф өзгерді. Бұл 2024 жылдың соңына қарай қалаларда суды тұтынуды 8% қысқартуға және есепке алу құралдарын орнатуды 4% арттыруға ықпал етті. 1,6 млн м³ ск үнемделді, бұл Лисаков қаласының жылдық тұтынуына тең.
Су шаруашылығы кәсіпорындарының қосымша кірісі 10,7 млрд теңгеге жетіп, олардың табысының 6% өсуін қамтамасыз етті. Бұл қаражат желілер мен жабдықтарды жөндеуге, инфрақұрылымның тозуын азайтуға және халыққа қызмет көрсету сапасын арттыруға жұмсалады.