2024 жылы «Баян Сұлу» кондитерлік фабрикасы 3,45 млрд теңге таза пайда тапты, бұл өткен жылмен салыстырғанда 23% (2,8 млрд теңге) артық, делінген KASE сайтында жарияланған компанияның қаржылық есебінде.
Компанияның 85,06%-ы KazFoodProducts компаниясына тиесілі, түпкілікті иесі – Forbes тізіміндегі Ерлан Баймұратов.
Компания саудасы әр елде әрқилы өзгерді:
- Қазақстан – 41,5 млрд теңге кіріс (2023 жылы – 45,7 млрд теңге);
- Ресей – 2,89 млрд теңге (1,33 млрд теңге);
- Ауғанстан – жоқ (2,76 млрд теңге);
- Тәжікстан – 1,94 млрд теңге (жоқ);
- Өзбекстан – 618,7 млн теңге (3,25 млрд теңге);
- басқа елдер – 260,7 млн теңге (2,38 млрд теңге).
Тұтынушылармен жасалған келісімшарттар бойынша кіріс бір жылда 55,4 млрд теңгеден 47,2 млрд теңгеге дейін азайды. Өнімнің өзіндік құны да 44,9 млрд теңгеден 37,2 млрд теңгеге төмендеді. Нәтижесінде жалпы пайда 10 млрд теңгені құрады. Сату және басқа да шығындарды есепке алғанда операциялық пайда 5 млрд теңгеге дейін төмендеді.
Кәсіпорынның активтері 12,9% өсіп, 59,8 млрд теңгеге, міндеттемелері 26,7% азайып, 17,3 млрд теңгеге, ал капиталы 45% өсіп, 42,4 млрд теңгеге жетті.