2025 жылғы қаңтар-сәуірде құрылыс жұмыстарының көлемі 16,2% ұлғайып, 1 438,4 млрд теңгені құрады. Құрылыс жұмыстары көлемінің ұлғаюы ғимараттарды (19,2%) және тұрғын емес ғимараттарды (15,3% - ға) салу және жөндеу жұмыстарының өсуімен байланысты.
Республика бойынша құрылыс жұмыстарының жалпы көлемінен 91,9% жекеменшік құрылыс ұйымдары, 6,8% шетелдік ұйымдар және 1,3% мемлекеттік ұйымдар орындаған.
2025 жылғы қаңтар-сәуір айларында орындалған құрылыс жұмыстарының (қызметтерінің) түрлері бойынша ең көп үлес тұрғын емес ғимараттар (жалпы көлеміне 27,2%), автомобиль, теміржол және метро (17,8%) және тұрғын ғимараттар (13,5%) құрылысы жұмыстарына тиесілі.
Өңірлік бөліністе құрылыс жұмыстарының көлемінің ұлғаюы республиканың он сегіз өңірінде байқалды. Айтарлықтай өсім Маңғыстау облысында (2 есе), Астана қаласында (75,5% ), Ақмола (71,6%), Қостанай (66,6%), Қызылорда (65,5%), Түркістан (51,8%), Павлодар (38,5%), Алматы (36,5%) Жетісу (34,9%), Батыс Қазақстан (30,7%) және Солтүстік Қазақстан облыстарында (29,1%) тіркелген.
2025 жылғы қаңтар-сәуірде пайдалануға берілген жаңа объектілердің жалпы ауданы 6 608,9 мың м2 құрады.