Алтын бағасы кезекті рет рекордтық 2800 долларға жетіп, BCC Invest алдағы жағдайға болжам жасап көрді. Компания мәліметінше, баға әлі де өсе түспек.
2024 жылдың басынан бері алтын 39% қымбаттап, S&P 500 көрсеткішінен әлдеқайда асып түсті. Бағаның көтерілуіне орталық банктер мен инвесторлардың күшті сұранысы, сондай-ақ әлемдік орталық банктердің мөлшерлемелерді төмендетуі себеп болды.
Қосымша фактор Таяу Шығыстағы қақтығыстар фонында жаһандық геосаяси шиеленістің күшеюі болды. АҚШ-тың технологиялық компанияларының айтарлықтай өсуі инвесторлар портфеліндегі акциялардың жоғары шоғырлануына әкелді. Қазіргі макроэкономикалық жағдай аясында алтын портфельдердегі АҚШ акцияларының жоғары шоғырлану тәуекелдерін азайту тәсілі және инфляциялық және геосаяси тәуекелдерден хеджирлеу ретінде пайдаланылды.
«Америка Құрама Штаттарына импортталатын тауарларға баж салығын енгізу аясында инфляциялық тәуекелдер артып келеді, бұл әлемдегі шиеленісті геосаяси жағдаймен бірге алтын бағасын унциясына 3000-3200 доллар аралығында көтеруі мүмкін», — деп жазады компания сарапшылары.