2024 жылы Қазақстанда пайдалануға берілген тұрғын үйдің жалпы ауданы 2023 жылмен салыстырғанда 6,4% артып, 18 963,4 мың м² құрады.
Оның ішінде:
- 12 120,8 мың м² — көпқабатты үйлер
- 6 653,9 мың м² — жер үй
- 179 730 м² — жатақхана
- 9 030 м² — арнайы үйлер
Өңірлік бөліністе ең көп тұрғын үй елордада пайдалануға берілді — 4,4 млн м² тұрғын үй.
Пайдалануға берілген тұрғын үй көлемі бойынша екінші орында 2,4 млн м² көрсеткішпен Алматы қаласы тұр. Алайда, 2023 жылмен салыстырғанда Алматыда баспана құрылысының қарқыны 10,3% төмендеген.
Тұрғын үйді пайдалануға берудің ең жоғары қарқыны Түркістан облысында тіркелді, мұнда құрылыс көлемі 27,7% артқан, ал Шымкент қаласындағы өсім — 26,1%.
Тұрғын үйдің негізгі бөлігін, яғни жалпы алаңның 89,5% (16 965,2 мың м²) жеке құрылыс компаниялары орындаған. Осы көлемнің 6 932,8 мың м² халық қаражаты есебінен салынған.