АХҚО-да Қытайдың Spacesail International Limited спутниктік интернет-провайдерінің еншілес ұйымы — жарғылық капиталы 17 миллион АҚШ доллары болатын Spacesail Kazakhstan Limited компаниясы тіркелді.
Spacesail — Қытай мемлекеттік Shanghai Spacecom Satellite Technology әзірлеген Цянфан (қытайша «Мың желкен») телекоммуникациялық спутниктік жүйесінің «экспорттық» атауы. Ол Илон Масктың Starlink компаниясына әлеуетті бәсекелес ретінде қарастырылады.
Өткен аптада Shanghai Spacecom Satellite Technology Қазақстан Республикасының Цифрлық даму министрлігімен келіссөздер жүргізіп жатқаны және компанияның спутниктік интернетті жергілікті байланыс арналарымен байланыстыратын қону станциясын жеткізуге дайын екені хабарланды.
Бұған дейін 2025 жылы Қазақстан OneWeb және Amazon Kuiper жаһандық провайдерлерінен спутниктік интернетті іске қосуды жоспарлап отырғаны да айтылған.