«ҚазМұнайГаз» Теңіз кен орнын игеру жобасындағы өз үлесін арттыруға ниетті, деп хабарлады ҚМГ Басқарма төрағасы Асхат Хасенов. Қазіргі уақытта «ҚазМұнайГаз» Теңіз операторы «Теңізшевройлдың» 20 пайызы, ал 50 пайызы америкалық «Шеврон» компаниясына тиесілі.
«Теңізде біздің ұлттық компанияның үлесі 20 пайызды құрайды. Дегенмен, ұлттық компания ретінде біз оны міндетті түрде арттырғымыз келеді», — деді ол Jibek Joly басылымына берген сұхбатында.
Қазіргі уақытта ТШО-ның 50%-ы Шевронға, 25%-ы Эксон Мобилге, 20%-ы ҚазМұнайГаз ұлттық компаниясына және 5%-ы Ресейдің Лукойл компаниясына тиесілі.
Естеріңізге сала кетейік, таяуда Тоқаев ірі мұнай-газ кен орындары бойынша өнімді бөлу туралы келісімдерді Қазақстан үшін тиімдірек шарттармен ұзарту бойынша келіссөздерді бастауға бұйрық берген. ТШО келісімшарты 2033 жылға дейін жарамды.
Хасеновтың айтуынша, қазір компания өз үлесін ұлғайту мүмкіндігін пысықтап жатыр, бірақ сонымен қатар «Самұрық-Қазына» мемлекеттік холдингі арқылы ҚМГ-ның негізгі түпкілікті акционері ретінде мемлекеттің пікірін де ескеру қажет. Хасенов компания әзірлеген стратегияға сәйкес ҚМГ мұнай өндіру көлемін арттыруды жоспарлап отырғанын хабарлады. Әзірге ұлттық компания Қазақстандағы жалпы мұнай өндірісінің 26%-на ғана ие.
Қазақстандағы барланған мұнай қоры 4,4 млрд тоннаны құрайды, деді ол. Республикада 100-ге жуық мұнай кен орындары бар. Бұл ретте ол жылына 100 млн тонна мұнай өндірілетін бұл 4,4 млрд тонна мұнай 44 жылға ғана жетеді деген қате көзқарасты атап өтті. Себебі, республикада жаңа кен орындарын тауып, барларын одан әрі барлау мақсатында геологиялық барлау жұмыстары жалғасуда. Оның айтуынша, бұл жұмыстарды жыл сайын 200-ден астам қазақстандық мұнай компаниясы жүзеге асырады.
«Сарапшылар 76 млрд тонна дәлелденбеген мұнай ресурсы бар дейді», — деді Хасенов.
Оның айтуынша, ҚМГ да көптеген жаңа бағыттарды зерттеп жатыр. Дәстүр бойынша 10 ұңғыманың екі-үшеуі ғана сәтті бұрғыланады. Сонымен қатар, жаңа ресурстар ашылған сайын компанияның капиталдандыруы артады, деп Хасенов. Соңғы ашылған жаңалықтардың ішінде сейсмикалық жұмыстардың нәтижесінде 38 млн тонна мұнай табылған Өзендегі барлау жұмыстарын мысалға келтірді. ҚМГ қызықтыратын бағыттардың ішінде компания басшысы бұрын мұнай ізделмеген терең ұңғымаларды атады.
ҚМГ өндірілген мұнай үлесін бірінші кезекте жаңа мұнай және газ кен орындарын геологиялық барлау және қорларды ұлғайту есебінен арттыруды жоспарлап отыр. Былтыр және биыл «ҚазМұнайГаз» Атырау, Қызылорда, Ақтөбе және Маңғыстау облыстарындағы мұнайдың бар екені әлі расталмаған бірнеше учаскеде бұрғылау жұмыстарын бастады. Сонымен бірге, Хасенов компания геологиялық барлау жұмыстарын жеделдетіп жатқанын, өйткені ҚМГ бұл ресурстарға мұқтаж екенін хабарлады.