2022 жылдың төртінші тоқсанында қазақстандықтардың табысы жан басына шаққанда 252,4 мың теңгені құрады, бұл бір жыл бұрынғы көрсеткіштен 17,7% артық. Ескерту: осы кезеңде жылдық инфляция деңгейі 19,6%-ға жетті.
Салыстыру үшін: 2021 жылдың төртінші тоқсанында халықтың табысы орташа есеппен жан басына шаққанда 214,5 мың теңгені құрады, көрсеткіш бір жылда 10,6% көбейген.
Өңірлер бойынша ең көп табыс елордада тіркелді: жан басына шаққанда 357,3 мың теңге – бір жыл бұрынғыдан 16,2% артық.
Екінші орында Қарағанды облысы болды: 354,9 мың теңге, 23,1% көбейген. Үздік үштікті Ұлытау облысы жапты: 339,1 мың теңге. Алғашқы бестікке Шығыс Қазақстан мен Қостанай облыстары да кірді.
Ең төменгі табыс Түркістан облысының тұрғындарында: жан басына шаққанда небәрі 163,3 мың теңге – бір жыл бұрынғыдан 23,7% көп және республикалық орташа көрсеткіштен бірден 35,3% төмен.
Халық табысының басым бөлігін еңбек қызметінен алған табыстары құрады: 184,9 мың теңге, бір жылда 23% өскен. Оның ішінде 161,7 мың теңге – жалдамалы жұмыстан, 23,2 мың теңге – өзін-өзі жұмыспен қамтудан және кәсіпкерлік қызметтен түскен табыс.
Әлеуметтік аударымдардан түскен табыс бір жылда 3,6% өсіп, 56,1 мың теңгені құрады. Оның ішінде зейнетақы – 45,7 мың теңге, жәрдемақы – 8,9 мың теңге, стипендия – 1,3 мың теңге, АӘК және тұрғын үй көмегі – 149 теңгені құрады.
Туыстары мен жақындарынан түскен материалдық көмектен, сондай-ақ алименттен түскен табыс бір жылда 23,4% өсіп, 6,1 мың теңгені құрады.