АХҚО Қаржы қызметтерін реттеу комитеті (AFSA) Гонконгтың anchorX финтех компаниясына Қазақстанда стейблкойн шығаруға рұқсат берді. Комитет мұндай рұқсатты алғаш рет беріп отыр.
AnchorX Қазақстанда оффшорлық қытай юанына (CNH) байланысты тұрақты AxCNH шығаруды жоспарлап отыр. AxCNH оффшорлық қытайлық компаниялар мен «Белдеу мен жол» бастамасының сауда серіктестері, соның ішінде Қазақстан арасындағы трансшекаралық төлемдерді жеңілдетуге арналған.
AxCNH әрбір бірлігі реттелетін қаржы институттарындағы бөлек кастодиандық шоттарда сақталған балама CNH резервтерімен толығымен қамтамасыз етіледі. Бұл, компанияның мәлімдеуінше, қауіпсіз және ашық транзакцияларды, сондай-ақ 1:1 алмасу мүмкіндігін қамтамасыз етеді. AxCNH бастапқы шығарылымы Conflux блокчейн платформасында өтеді.
Стабилкоин – бағамы тұрақты активтерге (валюталар, бағалы металдар, басқа криптовалюталар) байланған криптовалюталар. Стабилкоиндердің негізгі мақсаты – кәдімгі криптовалюталарға тән құбылмалылықты азайту. Оларды делдалсыз жылдам транзакциялар үшін пайдалануға болады.