Ұлттық электр желісінің операторы KEGOC 2026 жылдың бірінші жартыжылдығында таза пайдасын 59,4% арттырып, 54,6 млрд теңгеге жеткізді. Өткен жылдың сәйкес кезеңінде компанияның таза пайдасы 34,3 млрд теңге болған.
Компанияның қаржылық есептілігіне сәйкес, қаңтар-маусым айларында KEGOC-тың түсімі 31,1% өсіп, 240,1 млрд теңгеге жетті. Жалпы пайда 70,5% артып, 87,5 млрд теңгені, операциялық пайда 58,7% өсіп, 72 млрд теңгені құрады.
Салық салынғанға дейінгі пайда 62% өсіп, 68,4 млрд теңгеге жетті.
30 маусымдағы жағдай бойынша KEGOC активтерінің көлемі 1,23 трлн теңге болды. Компанияның меншікті капиталы 844,1 млрд теңгеге жетті.
Бөлінбеген пайда 123,4 млрд теңгені құраса, бір акцияның баланстық құны 3 045 теңге болды.
KEGOC 2025 жылдың қорытындысы бойынша да таза пайдасын 49% арттырып, 88 млрд теңгеге жеткізген болатын.