2025 жылғы маусымда ITS халықаралық сауда алаңындағы бағалы қағаздармен сауда көлемі 1,38 млрд АҚШ долларына жетті. Бұл өткен аймен салыстырғанда 21% артық (мамыр айында – 1,14 млрд доллар).
Маусымда жасалған мәмілелер саны 198 мың боп шықты, ал өткен айда бұл көрсеткіш шамамен 211 мың болған.
Бұған қоса, ITS репо нарығында мәмілелерді орталықтандырылған мәмілелер (анонимді режим) арқылы облигациялармен сауданы бастады. Маусым айындағы репо мәмілелерінің көлемі 46,7 млн долларды құрады.
Ұзақ мерзімді перспективада сауда көлемінің өсімі тұрақты үрдіс көрсетуде. Бұған белсенді инвесторлар санының артуы мен нарыққа жаңа қатысушылардың қосылуы ықпал етіп отыр. Мысалы, мамырда ITS сауда алаңының қатысушысы және ITS CSD депозитарийінің мүшесі мәртебесін Банк ЦентрКредит пен Қазпошта алса, маусымда бұл мәртебені еуропалық Roemer Capital инвестициялық компаниясы иеленді.
Сауда көлемінің өзгерісі жаһандық қаржы нарығындағы жағдайды да бейнелейді. Соның ішінде ITS ұсынған жаңа қаржы құралдарына, атап айтқанда, сауда алаңының өз индексіне байланған ETF қорларына сұраныстың өсуі де әсер етуде.
Маусым айында инвесторлар арасында ең танымал 10 шетелдік бағалы қағаздар мен ETF қатарына мына компаниялардың акциялары кірді:
Tesla Inc. (TSLA), Direxion Daily Semiconductor Bear 3X Shares (SOXS), NVIDIA Corporation (NVDA), Direxion Daily Semiconductor Bull 3X Shares (SOXL), CleanSpark Inc. (CLSK), Coinbase Global Inc. (COIN), Meta Platforms Inc. (META), ProShares UltraPro QQQ (TQQQ), ProShares Ultra Bloomberg Natural Gas (BOIL), Advanced Micro Devices Inc. (AMD).
Маусым айының соңында ITS платформасында инвесторларға АҚШ, Еуропа және Азия елдерінің NYSE, NASDAQ және Қазақстандағы AIX биржаларында бастапқы листингі бар 3000-нан астам акциялар, депозитарлық қолхаттар мен ETF қолжетімді болды.
2024 жылдан бастап ITS өзінің жеке есеп айырысу және клиринг инфрақұрылымына иелік етеді. Оған бағалы қағаздарды сақтау және есеп айырысу қызметтерін ұсынатын Central Securities Depository Limited (ITS орталық депозитарийі) кіреді. Бұл депозитарий АҚШ-тың салық қызметі тарапынан бастапқы ұстап қалу жауапкершілігі бар білікті делдал (Qualified Intermediary with primary withholding responsibility, WQI) мәртебесін алған.
ITS орталық контрагені (Central Counterparty) клиринг қатысушыларының барлық міндеттемелері бойынша тарап және ITS сауда алаңында жасалатын мәмілелер бойынша клирингті жүзеге асырады.