Қазақстандықтардың үштен бірінен астамында жинаған қолма-қол ақшасы бар. Мұны Ұлттық банктің 2024 жылғы желтоқсанда жүргізген сауалнамасы көрсетті.
Респонденттердің 53%-дан астамы ақшаны депозитте сақтайтынын айтты. Бір жыл бұрын бұл көрсеткіш 71% болған. Депозиттердің танымалдылығы 2024 жылдың тамызында айтарлықтай төмендей бастады.
Респонденттердің 38%-дан астамы ақшаны қолма-қол ұстайтынын атап өтті, бір жыл бұрынғы 23,9% болған. Қолма-қол ақша жинақтары бар адамдардың үлесі әсіресе 2024 жылдың тамызында өсе бастады және қазан айында максималды көрсеткішке жетті – 48,4%.
Сауалнамаға қатысушылардың 32%-ға жуығы өз жинақтарын жылжымайтын мүлікке инвестициялады, бір жыл бұрынғы көрсеткіш 10,9% еді. Көрсеткіш 2024 жылдың қыркүйегінен бастап өсуде.
Бағалы қағаздарға ие респонденттердің үлесі қарашадағы 7,6%-дан желтоқсандағы 7,4%-ға дейін төмендеді. Бір жыл бұрын бұл көрсеткіш 4% болған.
Сауалнама Қазақстанның түкпір-түкпірінен 1,5 мың респондент арасында жүргізілді. Оның ішінде 30,9% адам жинағы болса, 59,2% ақша жинай алмаған. Жинақтары бар қатысушылардың 35%-дан астамы бір жыл ішінде жинақтарын көбейткендерін айтты. 44%-да өзгерген жоқ, 16,1%-да төмендеген.
75%-дан астамы табыс ретінде жалақысын, 31%-ы – мемлекеттік жәрдемақыны, 10,7%-ы алимент пен туыстарының материалдық көмегін көрсеткен. Ең үлкен топ – 33,2% – айына 150-ден 300 мың теңгеге дейін алады. 27%-дан астамы – 300-ден 500 мың теңгеге дейін, 15,6%-ы – 100-ден 150 мың теңгеге дейін.
Респонденттердің 36%-ға жуығы қаржылық жағдайы жақын арада жақсарады, 32,6%-ы өзгеріссіз қалады, 14,6%-ы нашарлайды деп есептейді.