2026 жылдың басындағы дерек бойынша, Қазақстандағы микроқаржы ұйымдарының жалпы несие портфелі 1,5 трлн теңгеден асты. Оның 1,29 трлн теңгесі (немесе 86%-ы) — қарапайым азаматтардың тұтынушылық қарыздары, ал бизнеске берілетін несиелер үлесі өте аз. Бұл мәліметтер Қазақстан Ұлттық Банкі статистикасынан алынған.
Бір жылда берілген микронесиенің жалпы көлемі 3,1% немесе 48 млрд теңгеге азайды, ал жеке тұлғаларға берілген қарыз 0,38% немесе 5 млрд теңгеге төмендеді.
Жеке тұлғалардың 281 млрд теңгеден астам қарызы қазірдің өзінде мерзімі өткен берешекке айналған. Көрсеткіш 3,77% көбейген. Оның ішінде 77,6 млрд теңге — төлемі үш айдан астам кешіктірілген проблемалық қарыздар. Бұл бір жылда 14% азайып отыр.