Halyk Bank акционерлері 2025 жыл үшін бір акцияға 28,09 теңге көлемінде дивиденд төлеуді мақұлдады. Жалпы төлем көлемі шамамен 306 млрд теңге болады.
Сәуір айында банк бір акцияға 30,1 теңгеден, жалпы 328,4 млрд теңге дивиденд төлеген. Бұл 2025 жылғы банктің 1,058 трлн теңге таза пайдасының 31%-на тең. Оның шамамен 203,6 млрд теңгесін Тимур және Динара Құлибаевтарға тиесілі «АЛМЭКС» холдингі алған. Оларға банктің 50,2% акциясы тиесілі. Ал шамамен 35% акция KASE, AIX және LSE биржаларында еркін айналымда.
Бұған дейін банк дивидендті жылына екі рет төлейтін. Мәселен, 2025 жылдың мамырында 323,4 млрд теңге, қыркүйегінде 229,19 млрд теңге дивиденд төленді. Ал 2026 жылдан бастап банк дивидендті тоқсан сайын төлеуге көшті.
Егер осы қарқын сақталса, жыл соңына дейін банк акционерлеріне 2025 жылғы бүкіл пайдасын бөліп беруі мүмкін.
Былтыр банктің акциясы 53% қымбаттаған. Дивидендтерді қоса есептегенде, бұл Қазақстан қор нарығындағы ең жоғары кірістіліктердің біріне айналады.