Қазақстан қаржыгерлер қауымдастығының (ҚҚҚ) сарапшыларының пікірінше, теңгенің нығаю әлеуеті әлі толық сарқылған жоқ. Нарықта шетел валютасының ірі көлемде сатылуы мүмкін.
ҚҚҚ өздерінің күнделікті шолуында валюта нарығында сұраныс пен ұсыныстың біртіндеп теңесіп келе жатқанын атап өтті. Соның нәтижесінде соңғы күндері теңге бағамының құбылмалылығы айтарлықтай төмендеген. Өткен сауда-саттық қорытындысы бойынша доллар/теңге бағамы сәл төмендеп, бір доллар үшін 536,7 теңгеге жетті. Сауда көлемі 196,2 млн долларды құрады.
«Ұлттық валютаның нығаю әлеуеті алдағы апталарда әлі де сақталып отыр. Бұл – Ұлттық Банк операциялары аясында шетел валютасының тұрақты түрде конвертациялануы мен жақындап келе жатқан тоқсандық салық кезеңіне байланысты, бұл кезде экспорттаушылар шетел валютасының айтарлықтай көлемін сата алады»,, – деп атап өтті Қаржыгерлер қауымдастығы.