Елдегі ең ірі банктердің бірі ЦентрКредит Банкі (ЦКБ) банкоматтарда доллармен операцияларды уақытша тоқтатты. Бұл туралы қаржы институтының сайтында айтылған.
«ЦКБ банкоматтарында АҚШ долларын алу, толықтыру және айырбастау операциялары уақытша қолжетімсіз. Қолайсыздықтар үшін кешірім сұраймыз және түсіністікпен қарағаныңыз үшін алғыс айтамыз», — дейді ЦКБ.
Бұл шешімнің себептері түсіндірілмеген. ЦКБ 2025 жылдың 15 қаңтарына дейін банкоматтарда доллармен операцияларды қалпына келтіруді жоспарлап отыр.
Бұған дейін ЦКБ компаниялар үшін Қазақстанда 1 қаңтардан бастап валюталық операцияларды жүргізу ережелеріндегі өзгерістерді түсіндірген.