Coca-Cola İçecek Kazakhstan «Парыз 2025» әлеуметтік жауапкершілік бойынша ұлттық байқауының жеңімпазы атанып, ірі кәсіпорындар санатындағы арнайы марапат – «Жылдың үздік әлеуметтік жобасы» номинациясын иеленді. Мемлекеттік деңгейдегі жоғары баға компанияның ел бойынша адамдардың өмірін жақсартуға және жергілікті қауымдастықтарды қолдауға бағытталған ұзақ жылдар бойғы жүйелі жұмысының нәтижесі. Марапат компанияның экологиялық шешімдерді енгізу және өңірлердің тұрақты дамуын қолдау бағытындағы еңбегін айқын көрсетеді.
Компания бастамаларының ішіндегі ерекше жоба – «Есіл өзені алабындағы су айрықтарын интеграцияланған басқару». 2023 жылдың мамырынан 2024 жылдың наурызына дейін жүзеге асырылған бұл жобаға 75 млн теңге көлемінде инвестиция бөлініп, Ақмола және Солтүстік Қазақстан облыстарындағы ауыл шаруашылығы және жайылым жерлердің жағдайын жақсартуға бағытталды. Су ресурстарын сақтау бұл өңірлердегі жергілікті шаруашылықтардың тұрақтылығына тікелей әсер етеді.
Су экожүйелерін қалпына келтіру жұмыстары ұзақ мерзімді нәтижеге ие. Кейінгі он жыл ішінде The Coca-Cola Foundation халықаралық қайырымдылық қорының инвестицияларының арқасында Қазақстанда 25 млрд литрден астам су ресурстары қайта қалпына келтірілді. Есіл алабындағы жоба су ресурстарын тиімді пайдалану, жер өнімділігін арттыру және ауылдық қауымдастықтарды қолдау бағытындағы маңызды қадамдардың бірі болды.
«Парыз 2025» марапаты CCI Қазақстан компаниясының елдің тұрақты дамуына қосқан елеулі үлесін көрсетеді. Сонымен қатар кейінгі он жылда Coca-Cola жүйесінің әлеуметтік бағдарламаларға бөлген жиынтық инвестициясы 4,8 млрд теңгеден асып түскенін айта кеткен жөн.
«Мемлекет деңгейіндегі бұл мойындау біз үшін үлкен құрмет. Көрсетілген сенім мен еңбегіміздің жоғары бағаланғаны үшін ризамыз. Аталған марапат қоғамға нақты пайда әкелетін және тұрақты дамуға үлес қосатын жобаларды жүзеге асыруды жалғастыруға шабыт береді», — деді компания өкілдері.
Компания серіктестіктерді нығайтып, әлеуметтік бастамаларды дамыту және Қазақстанның тұрақты болашағын қалыптастыратын ұзақ мерзімді шешімдер әзірлеу бағытындағы жұмысын жалғастыруды жоспарлап отыр.