Мамыр айында Алматыда пәтерді жалға алу бағасы сәуірмен салыстырғанда 3,6% төмендеді. Статбюро дерегінше, бұл айлық құлдырау 2023 жылдың қыркүйегінен бергі ең қарқындысы.
Бұл маусымдық үрдіс емес. Мамырда бағаның айлық төмендеуі соңғы он жылда екінші рет қана байқалып отыр (біріншісі 2016 жылы -13% болған).
Бұл жолы Алматыда жалға беру бағасының төмендеуі жаңа (+1,9%) және қайталама нарықта (+1,3%) пәтер бағасының өсімімен қатар болып отыр.
Ал Астанада жағдай басқаша. Бастапқы нарықтағы пәтерлердің құны өзгеріссіз қалғанымен, қайталама нарық 2,6% арзандады, бұл 2023 жылдың шілдесінен бергі ең көп арзандау. Жалға алу бағасы сәуірмен салыстырғанда -0,1% төмендеді.
Нәтижесінде, мамыр айында елордада жалға алудың орташа құны Алматымен салыстырғанда небәрі 4,6% төмен болды. Мамырда Алматыда жалдау бағасы орта есеппен шаршы метріне 5,2 мың теңге болса, Астанада 5 мың теңге.