ҚазТрансОйл 2024 жылға бір акцияға 86 теңге дивиденд төлейді, жалпы сомасы 33,08 млрд теңге. Акционерлер тізілімін тіркеу күні – 2025 жылдың 3 маусымы, төлем – 2025 жылдың 12 маусымы.
Дивидендтердің ең көп үлесін компания акцияларының 90%-на ие ҚазМұнайГаз компаниясы алады.
ҚазТрансОйлдың 2024 жылғы шоғырландырылған таза пайдасы 41,58 млрд теңгені құрады, бұл 2023 жылмен салыстырғанда 26,6% артық.
Ал шоғырландырылған кірісі 311 млрд 900,1 млн теңгені құрады, бұл 2023 жылдың сәйкес көрсеткішінен 7,4% артық.
2023 жылға ҚазТрансОйл 25 млрд теңге дивиденд төледі.