Жыл қорытындысы бойынша елдің электр энергетикалық жүйесі тұрақты өсім көрсетті. Электр энергиясын тұтыну 3,8% артып, 124,6 млрд кВт/сағ құрады. Ал электр энергиясын өндіру көлемі 4,4% өсіп, 123,1 млрд кВт/сағатқа жетті.
KEGOC таза пайдасы рекордтық 70,8 млрд теңгені құрап, 2024 жылмен салыстырғанда 19% жоғары. Бұл туралы компанияның 2025 жылдың қорытынды кеңесінде айтылды.
2025 жылы жасанды интеллект жобаларын енгізу жөніндегі Жол картасы бекітілді. Процестерді цифрландыру деңгейі 52%-ға жетті, ал 2032 жылға дейін автоматтандыру деңгейін 90%-ға дейін жеткізу жоспарланып отыр. Компания тұрақты даму саласындағы бастамаларды да жалғастырды: ESG рейтингі 62 баллға дейін өсіп, әлеуметтік тұрақтылық деңгейі 88%-ды құрады.
2026 жылы қызметтің басым бағыттары ретінде Ұлттық электр торабын дамыту, өндірістік қауіпсіздікті күшейту, инвестициялық жобаларды іске асыру, күзгі-қысқы кезеңге дайындық, жасанды интеллект негізіндегі шешімдерді енгізу және Қазақстан Бірыңғай электр энергетикалық жүйесінің сенімді жұмысын қамтамасыз ету айқындалды.