Kaspi Bank 2025 жыл қорытындысы бойынша жай акцияларына дивиденд төлемеу туралы шешім қабылдады.
Ал артықшылықты акция иелері кепілдендірілген төлем алады. Бұл туралы банк 2026 жылғы 26 наурызда өткен акционерлердің жылдық жиналысының қорытындысы бойынша хабарлады.
Артықшылықты акциялар бойынша дивиденд мөлшері – бір акцияға 21 теңге. Бұл – банктің жарғысында бекітілген тұрақты көлем. Төлемдер 2026 жылғы 27 наурыздан басталады.
Банктің 2024 жылдың соңындағы есебі бойынша айналымда 18,3 млн жай акция және 372,5 мың артықшылықты акция бар. Осылайша, 2025 жылға арналған дивидендтердің жалпы көлемі 7,8 млн теңгені құрайды.
Дивиденд алуға 2026 жылғы 26 наурыздағы жағдай бойынша акционерлер тізімінде тұрған тұлғалар құқылы. Банк төлемдерді осы күннен бастап 90 күн ішінде толық аяқтауы тиіс.