Freedom Broker нарыққа шолуын жариялады.
Кеше кешке форекс нарығында доллар бағамы 500 теңгеден төмен түсті. Бастапқыда USDKZT котировкалары 502 теңгеден жоғары деңгейде жақсы сақталып тұрған еді, бірақ белгілі бір сәтте АҚШ валютасына түскен қысым оның психологиялық шекті межеден сәл төмен түсуіне жеткілікті болды.
«Біз бұған дейін ақпан айының ортасындағы салық кезеңіне байланысты айдың басында осындай сценарий орын алатынын болжаған едік. Теңге үшін ең оңтайлы кезең айдың 10-ына сәйкес келеді және бағам бір доллар үшін 490–500 теңге дәлізінде саудаланады деп есептейміз. Ал доллардың ықтимал өсуіне келетін болсақ, біз теңге бағамы әлсіреуі мүмкін жылдың екінші жартысына назар аударуды ұсынамыз», — делінген хабарламада.