Иран Ислам Республикасы Еуразиялық экономикалық комиссиямен (ЕЭК) толыққанды еркін сауда туралы келісімнің күшіне енуі үшін қажетті мемлекетішілік рәсімдерді аяқтады. Бұған дейін 2025 жылдың қаңтарында осы елге ЕАЭО барлық рәсімдердің аяқталғаны туралы хабарлама жіберілген, деп хабарлады ЕЭК баспасөз қызметі.
«Келісім ережелеріне сәйкес, қажетті рәсімдердің аяқталғанын растайтын ноталармен алмасудан кейін құжаттың күшіне енуі үшін 60 күн қарастырылған. Осылайша, келісім 2025 жылғы 15 мамырда күшіне енеді», — деп атап өтті ЕЭК Сауда министрі Андрей Слепнев.
ЕЭК мәліметінше, келісімді жүзеге асыру жақын болашақта өзара тауар айналымын рекордтық 12 млрд долларға жеткізуге мүмкіндік береді, бұл қазіргі көлемдермен салыстырғанда шамамен екі есе көп.
Еске салайық, ЕАЭО елдері мен Иран арасындағы еркін сауда туралы келісім тауарлардың 85%-дан астамына импорттық кедендік баж салығын алып тастауды қарастырады.