Резиденттердің депозиттік ұйымдардағы депозиттері 2026 жылғы қаңтарда ұлттық валютадағы депозиттердің 3,3%, 36,6 трлн теңгеге дейін төмендеуі нәтижесінде 3,8%, 46,2 трлн теңгеге дейін азайды, бұл операциялық және балама инвестициялық қызметке қаражатты одан әрі пайдалану мақсатында пайдалануға байланысты маусымдық факторларға негізделген. Осылайша, заңды тұлғалардың депозиттері 7,6%, 20,2 трлн теңгеге дейін, жеке тұлғалардың депозиттері – 0,7%, 26,0 трлн теңгеге дейін төмендеді.
Шетел валютасындағы депозиттер теңгенің АҚШ долларына қатысты нығаюы аясында шетел валютасындағы салымдарды валюталық қайта бағалау есебінен 5,9%, 9,5 трлн теңгеге дейін төмендеді. Нәтижесінде 2026 жылғы 1 ақпандағы долларлану деңгейі 2026 жылдың басындағы 21,1%-дан сәл төмендеп, 20,7%-ды құрады.
Банктік емес заңды тұлғалардың ұлттық валютасындағы мерзімді депозиттері бойынша сыйақының орташа өлшенген мөлшерлемесі 2026 жылғы қаңтарда 16,8%-ды (2025 жылғы желтоқсанда – 16,8%), жеке тұлғалардың депозиттері бойынша 15,3%-ды (2025 жылғы желтоқсанда-14,8%) құрады.