Сауда және интеграция министрлігінің дерегінше, тамыз айында азық-түлік инфляциясы 0,5% болды. Әлеуметтік маңызы бар тауарлардың бағасы қаңтардан бері 8% өсті.
«Картоп шілдедегі 300 теңгеден қазір 184 теңгеге дейін арзандады. Сәбіз – 295-тен 193 теңгеге, пияз – 222-ден 137 теңгеге түсті», – делінген министрлік хабарламасында.
Сиыр етінің бағасы қалай өзгерді?
Сиыр еті әлеуметтік маңызы бар өнімдердің ішінде бірінші орында тұр.
2023 жыл соңында оның бір килограмы шамамен 2 500 теңге болса, қазір орташа 4 715 теңге. Бұл Ресейдегіден екі есе арзан (10 180 ₸), бірақ Өзбекстан мен Тәжікстаннан да төмен. Баға өсімінің негізгі себебі – сұраныс пен экспорт.
Қабылданған шаралар
– 2025 жылғы мамырдан бастап тірі малды экспорттауға тыйым салынды. Бұл өсімді баяулатты: баға айына 3%-дан 1,4%-ға дейін түсті.
– Дегенмен, қайта өңделген ет экспорты артты: 27 мың тонна, өткен жылға қарағанда 3,2 есе көп.
– Жаңа шаралар: сиыр пті экспортына квота, ал импортқа нөлдік кедендік тариф енгізу бастамасы қарастырылып жатыр.
Сауданы бақылау
Сатушыларға артық делдалдарды қысқарту міндеттелді. 2025 жылдан бері 747 комиссия отырысы, 2,6 мыңнан астам айыппұл салынды (жалпы сомасы – 56,5 млн теңге). «Анвар», «Смолл», «Magnum» желілерінде сауда үстемесі 5–14% аралығында, заң бұзушылық тіркелмеген.
Сарапшылар не дейді?
Мамандардың пікірінше, бүгінгі ахуал – қысқа мерзімді тұрақтандыру. Бірақ ұзақ мерзімді шешім – ет өңдеу қуатын арттыру, мал шаруашылығына инвестиция және импортты теңгерімдеуде жатыр. Әйтпесе, сұраныс артып, экспорт қысымы күшейген сайын баға қайтадан көтерілуі мүмкін.