Мұнай бағасы АҚШ пен Иран арасындағы бейбіт келісім күтілуіне байланысты күрт төмендеді. Астана уақытымен 16:25-те Brent маркалы мұнайдың бағасы барреліне 97,90 доллар болды.
Бүгін Астана уақытымен таңертең сағат 09:00-де қара алтын 108 доллар айналасында саудаланған еді.
Осылайша, бір тәулікте баға 10,84%, бір аптада 8,50%, бір айда 1,61% арзандап отыр.
Бағаның құлдырауына АҚШ президенті Дональд Трамптың Вашингтон Ормуз бұғазы арқылы өтетін кемелерді уақытша сүйемелдеуді тоқтататыны туралы мәлімдемесі әсер етті. Бұл шешімді ол Иранмен жан-жақты келісім бойынша келіссөздердегі ілгерілеумен байланыстырды. Сонымен қатар АҚШ Иран порттарына қойылған блокаданың сақталатынын атап өтті.