2026 жылдың ақпанында екінші деңгейлі банктердің таза пайдасы 190,3 млрд теңгені құрады. Бұл қаңтармен (198,6 млрд теңге) салыстырғанда -4,2% төмен.

2026 жылдың қаңтар–ақпан қорытындысы бойынша, сектордың жиынтық таза пайдасы 388,9 млрд теңге болды. Бұл 2025 жылдың осы кезеңімен салыстырғанда -13,4% аз.

Ақпанда табысын өсіре алған банктер тек үшеу: Ситибанк Қазақстан, Freedom Bank және Қытайдың Өнеркәсіп-сауда банкі. Ал кореялық BNK банкі 2026 жылы шығынмен жұмыс істеп жатқан жалғыз банк болып қалды. 

Банктер табысының төмендеуінің негізгі себебі — реттеудің күшеюі. Бұл тұтынушылық несиелеуге қойылған шектеулерге де, пруденциялық талаптарға да қатысты, соның ішінде міндетті резервтердің өсуі.

Бөлшек несиелеуге шектеулер ең табысты сегменттің өсуін тежейді. Ал резервтік талаптардың артуы банктердің өтімділігін азайтып, пайыздық маржаны қысқартады. Нәтижесінде, жалпы несиелеу белсенділігі сақталғанымен, сектордың табыстылығы баяулап келеді.