2025 жылдың II тоқсанында Қазақтелеком табысын айтарлықтай ұлғайтты. Компанияның консолидирленген табысы 140,6 млрд теңгеге жетіп, бір жылда +15,6% өсті. Ал шығын 107,8 млрд теңге болды (+14,3%).
Компанияның таза пайдасы рекордтық көрсеткішке жетті – 27,6 млрд теңге, бұл өткен жылдың сәйкес кезеңімен салыстырғанда 12 есе артық. Акцияға шаққандағы пайда 128 теңгеден 2 363 теңгеге дейін көтерілді.
Kcell рөлі
Қазақтелекомның қаржылық көрсеткіштерінің басты драйвері болып отырғаны – Kcell. Дәл осы оператордың қызметінен түскен кіріс компанияның жалпы өсімін қамтамасыз етті.
Сегменттер бойынша табысқа тоқталсақ, деректерді беру қызметі – 70,8 млрд тг (+17,9%), сымды және сымсыз байланыс – 26,2 млрд тг (+2,9%), құрылғылар сату – 9,6 млрд тг (–8,2%), Желіаралық қызметтер – 5,3 млрд тг (–11,1%), басқа табыс – 24,8 млрд тг (+39,3%) болды.
Осылайша, негізгі өсім интернет пен деректерді беру қызметінен келген, ал құрылғы сатылымы мен желікралық қызметтер көрсеткіші төмендеген.
Халықаралық бағалау
S&P Global Ratings Қазақтелккомның ұлттық рейтингін «kzAA-» деңгейіне көтеріп, болжамын «тұрақты» деп бекітті. Сарапшылардың айтуынша, компания нарықтағы көшбасшылығын сақтап, органикалық табысты жылына 10%+ өсіре алады.