Қазақстанда цифрлық майнингтен түсетін салық көлемі биыл айтарлықтай артты. Мемлекеттік кірістер комитетінің дерегінше, 2025 жылдың қаңтар–тамыз айларында бюджетке 4,8 млрд теңге түсті. Бұл өткен жылдың сәйкес кезеңімен салыстырғанда 43% көп (2024 жылы – 3,4 млрд теңге).
Астана көш бастап тұр
Майнинг салығының басым бөлігі елордада қалыптасып отыр. Астана: 4,1 млрд теңге (+64% ж/ж, 2024 жылы – 2,5 млрд тг). Алматы: 174,3 млн теңге – көлем аз болғанымен, өсім қарқыны ерекше: бір жылда 9 есеге жуық артқан. Бұл деректер майнинг нарығының өңірлік құрылымында Астананың негізгі ойыншыға айналғанын көрсетеді.
Салықтың негізгі көздері
Майнингтен түсетін түсім бірнеше бағыттан құралады: электр энергиясына төлем, қосылған құн салығы (ҚҚС), корпоративтік табыс салығы (КТС), — бұлар дата-орталықтар мен жеке майнерлерден алынады.