ITS халықаралық сауда платформасы 4 қараша күні BETA Technologies (тикер: BETA) компаниясының акцияларымен сауда жасауға мүмкіндік ашты. Бұл — АҚШ-тағы электрқозғалтқышты ұшақтарға маманданған жеке аэроғарыш компаниясы. Компания 2025 жылғы 4 қарашада Нью-Йорк қор биржасында IPO өткізді.

ITS платформасында осы компанияның акцияларымен мәміле жасауға өтінім беруге Астана уақытымен 16:00-ден бастап, яғни АҚШ-тағы негізгі сауда сессиясы басталғанға дейін 3,5 сағат бұрын мүмкіндік бар.

ITS инвесторларға АҚШ биржаларында IPO өткізетін компаниялардың бағалы қағаздарымен АҚШ-тағы екінші реттік сауда басталғанға дейін мәміле жасау мүмкіндігін үнемі ұсынып отырады.

Баға бойынша бағдар ретінде инвесторлар эмитенттер IPO аясында жариялаған деректерді пайдалана алады. Саудадағы өтімділікті екіжақты баға белгіленімдерін ұсынатын маркет-мейкер қамтамасыз етеді.

ITS платформасындағы жаңа акциялармен сауда стандартты шарттарда және шектеусіз жүргізіледі. Lock-up кезеңі қарастырылмаған — инвесторлар бағалы қағаздарды АҚШ-тағы ашық сауда басталғанға дейін де, одан кейін де еркін сатып алып, сата алады. Өтінімдер көлем бойынша шектелмейді: акциялардың кез келген санын ең төменгі сомасыз-ақ сатып алуға болады. Барлық мәмілелер ITS платформасының қолданыстағы тарифтері бойынша жүзеге асырылады.

Бұл материал инвестициялық кеңес немесе бағалы қағаздарды сатып алу туралы оферта емес. ITS бағалы қағаздарға инвестициялау, әсіресе IPO кезеңінде, жоғары тәуекелдермен байланысты екенін еске салады. Алғашқы орналастырудан кейін акциялар жоғары құбылмалылық көрсетіп, сауданың алғашқы күндерінде баға ауытқуларының күрт өзгеруіне ұшырауы мүмкін.