Қазақстандық лоукостер FlyArystan Алматы – Самарқан бағыты бойынша алғашқы FS7879 рейсін орындап, екі қала арасындағы тікелей әуе қатынасын қайта жандандырды.

Рейстер 17 наурыз бен 30 мамыр аралығында, сондай-ақ 1 қыркүйек пен 24 қазан аралығында, яғни көктемгі және күзгі маусымда, аптасына екі рет – сейсенбі және сенбі күндері орындалады.

Ұшу ұзақтығы екі сағат. Күндізгі рейс уақыты жолаушыларға сапарларын ыңғайлы жоспарлауға мүмкіндік береді.

Самарқан халықаралық әуежайында рейстің қайта іске қосылуына орай символикалық іс-шара ұйымдастырылды. Бірінші болып тіркелген жолаушыға тегін әуебилетке сертификат табысталды. Іс-шара аясында Самарқанд қаласының әкімдігі(хокимият), Қазақстан Республикасының Самарқандағы Бас консулдығы және әуежай басшылығы өкілдерінің қатысуымен қызыл лента қию рәсімі өтті. Алматыдан келген FlyArystan әуекемесін әуежайда дәстүрлі су доғасымен қарсы алды. Содан кейін әуежай терминалында жолаушылар мен экипажды қарсы алу рәсімі өтіп, оған әуежай қызметкерлері, жас авиаспоттерлер және шақырылған қонақтар қатысты.

Самарқан – Орталық Азияның ең көне қалаларының бірі. Ол өзінің сәулет ескерткіштерімен және бай тарихи мұрасымен кең танымал. Негізгі көрікті орындарының қатарында Регистан алаңы, Гур-Эмир кесенесі және Шахи-Зинда сәулет кешені бар. Сонымен қатар Самарқан ұлттық тағамдарымен, шығыс базарларымен және көне қаланың ерекше атмосферасымен де белгілі.

Алматы – Самарқан бағыты бойынша әуебилеттерді FlyArystan мобильді қолданбасы, flyarystan.com ресми сайты және басқа да ресми сату арналары арқылы сатып алуға болады. Стандарт тарифтік топтамасына борттағы жүйе таңдайтын орын мен салмағы 7 кг дейін, өлшемі 56×23×36 см бір дана қолжүк кіреді.