Бизнес субъектілеріне несие портфелі 2026 жылғы шілдеде теңгенің нығаюы аясында ірі мерзімінен бұрын өтеу және валюталық кредиттерді бағамдық қайта бағалау салдарынан негізінен ірі бизнеске қарыздар портфелінің 1,6%, 4,9 трлн теңгеге дейін төмендеуі (2026 жылдың басынан бері 10,3% төмендеген) және ШОБ субъектілеріне қарыздар портфелінің 1,0%, 7,7 трлн теңгеге дейін төмендеуі (2026 жылдың басынан бастап 12,9% өсім) есебінен 0,7%, 16,0 трлн теңгеге дейін азайды (2026 жылдың басынан бері 3,5% өсім). Өз кезегінде 2026 жылғы шілдеде ЖК қарыздар портфелі 1,1%, 3,3 трлн теңгеге дейін ұлғайды (2026 жылдың басынан бастап 7,5% өсім).
2026 жылғы шілдеде қарыздар портфелінде экономиканың негізгі салаларында көп бағытты серпін байқалады. Мәселен, сауда, ақпарат және байланыс, сондай-ақ өнеркәсіп салаларында тиісінше 0,5%, 1,5% және 2,2% төмендеу тіркелді. Бұл ретте ауыл шаруашылығында кредиттер портфелі 0,3%, 513 млрд теңгеге дейін, құрылыста – 0,8%, 899 млрд теңгеге дейін, көлік саласында – 2,7%, 1,0 трлн теңгеге дейін ұлғайды.
2026 жылғы шілдеде бизнес субъектілеріне 2,1 трлн теңге сомасына жаңа қарыздар берілді, бұл негізінен ірі бизнес субъектілеріне жаңа қарыздар беруді 40,8% ұлғайту нәтижесінде 2025 жылғы шілдемен салыстырғанда 23,6% артық.