Қазақстанда қаңтар-шілде айларында ауыл шаруашылық өнімдерінің экспорты 5 млрд долларға жетті. Бұл 2025 жылдың сәйкес кезеңімен салыстырғанда 34,8% көп. Бұл туралы үкіметтің баспасөз қызметі хабарлады.
Өңделген өнімдер экспорты айтарлықтай өсті. Атап айтқанда, күнбағыс майының экспорты 49,1%, ұн экспорты 37,1%, ал мал азығының экспорты 68,2% артты. Бидаймен бірге аталған өнімдер санатына еліміздің жалпы аграрлық экспортының шамамен 60%-ы тиесілі болды.
Бидай экспорты 25,5%, ал зығыр тұқымының экспорты 2,2 есе өсті.
Жалпы, үкіметтің мәліметінше, биылғы бірінші жартыжылдықтың қорытындысы бойынша төлем балансының ағымдағы шоты соңғы үш жылда алғаш рет профицитпен қалыптасып, 2,4 млрд долларды немесе ЖІӨ-нің 1,6%-ын құрады. Бұған экспорт өсімінің импорт өсімінен озып кетуі негізгі фактор болды.