2024 жылғы қаңтар–желтоқсанда Қазақстанның сыртқы сауда айналымы 141405,7 млн долларды құрап, 2023 жылғы қаңтар–желтоқсанмен салыстырғанда номиналды мәнде 1,3% көбейді

• Экспорт – 81618,4 млн доллар (номиналды мәнде 3,1% көбейген);
• Импорт–59787,3 млн доллар (номиналды мәнде 1% азайған).

2024 жылғы қаңтар–желтоқсанда Қазақстан Республикасының ЕАЭО елдерімен өзара сауда 30447,5 млн долларды құрап, өткен жылдың сәйкес кезеңімен салыстырғанда номиналды мәнде 2,2% көбейді.

2024 жылғы қаңтар–желтоқсанда тауарлар экспорты 10977,7 млн доллар (5,1% азайған), импорт – 19469,8 млн доллары (6,9% көбейген).

Қазақстан Республикасының ЕАЭО елдерімен сыртқы сауда айналымының жалпы көлемінде Ресей Федерациясына–91,3%, бұдан әрі Қырғыз Республикасына–5,6%, Беларусь Республикасына–3%, Армения Республикасына–0,1% келеді.

Қазақстан Республикасының экспорты бойынша тауарлардың негізгі үлесі 2024 жылғы қаңтар–желтоқсанда мынадай тауарларға тиесілі: шикі мұнай және битуминозды жыныстардан алынған шикі мұнай өнімдері (52,5%), химиялық радиоактивті элементтер және радиоактивті изотоптар (5,6%), тазартылған мыс және өңделмеген мыс қорытпалары (5,1%), кендер және мыс концентраттары (3,9%), ферроқорытпалар (3%).

Қазақстан Республикасының импорты бойынша ең көп үлес салмағы мынадай тауарларға тиесілі: жеңіл автокөліктер (3,8%), ұшу аппараттары (3%), дәрілік заттар (2,8%), телефон аппараттары (2,7%), моторлы көлік құралдарына арналған шанақ (2,3%).

Қазақстан Республикасының экспорттағы негізгі әріптес елдері: Италия (22,9%), Қытай (18,3%), Ресей (11,7%), Нидерланды (6,5%), Франция (4,5%), Түркия (4,1%).

Қазақстан Республикасының импорттағы негізгі әріптес елдері: Ресей (30,5%), Қытай (25,3%), Германия (4,7%), АҚШ (3,8%), Корея Республикасы (3,2%), Франция (3,1%).